Toshkentda kichik yoshdagi bolalar ishtirokida xalqaro turnir o‘tkazildi
Shayxontohur tumanidagi birinchi Bolalar-o‘smirlar sport maktabi O‘zbekiston dzyudo federatsiyasi ko‘magida yosh dzyudochilar uchun tuman ochiq birinchiligini tashkil etdi.
O‘zbekiston dzyudo federatsiyasi tomonidan yaqinda 102-umumta’lim maktabi hududida foydalanishga topshirilgan zamonaviy dzyudo zalida o‘tgan xalqaro musobaqada Toshkent shahri va viloyati sportchilari bilan birga qo‘shni Qozog‘istondan kelgan dzyudochilar tatamiga chiqdi.
2009-2011 yillarda tug‘ilgan dzyudochilar 26, 29, 32, 35, 38, 42, 46, 50, 55, 60, 66 hamda +66 kg vazn toifalarida medallar uchun bahs olib borishdi. Musobaqadan ko‘zlangan maqsad - bolalarning qishki ta’til kunlarini mazmunli tashkil etish, ular o‘rtasida sog‘lom turmush tarzini yanada qaror toptirishdan iborat.
