Сербия пойтахти Белградда давом этаётган бокс бўйича жаҳон чемпионатида яна бир кун ортда қолди. Афсуски, унда яна бир вакилимиз мусобақани тарк этди.

1/8 финалда ҳамюртимиз Мужибилло Турсунов (-63 кг) Хитой Тайпейи вакили Чу-Ен Лай рақиблик қилди. Беллашувда ҳар томонламан устунлик қилган андижонлик боксчимиз кейинги босқич масаласини ҳал қилди.

Афсуски, -80 кг вазн тоифасида Одилжон Аслонов амреикалик Робби Гонсалесга имкониятни бой бериб қўди – 2:3.

Бугун чорак финал баҳсларига старт берилади. Унда 6 нафар вакилимиз ярим финал йўлланмаси учун рингга кўтарилади:

-48 кг: Нодиржон Мирзаҳмедов – Темиртас Жуссупов (Қозоғистон) 

-60 кг: Абдумалик Халаков – Всеволод Шумков (Россия) 

-75 кг: Саиджамшид Жафаров – Випарон Жонгжохо (Таиланд) 

+92 кг: Лазизбек Муллажонов – Давид Чалоян (Арманистон) 

-63,5 кг: Мужибилло Турсунов – Энди Круз (Куба) 

-92 кг: Мадияр Саидраҳимов – Льюис Уильямс (Англия)

Манба