2024 йил Париж шаҳрида бўлиб ўтадиган ёзги Олимпия ва Паралимпия ўйинларига спортчиларимизни комплекс тайёрлаш бўйича президент қарори қабул қилинди.

Унга кўра:

• жамоавий спорт турлари (футбол, баскетбол, гандбол, чим устида хоккей, регби, волейбол) бўйича Миллий олимпия қўмитаси ҳузурида олимпик профессионал клублари ташкил этилади;
• сув спорти, оғир атлетика, қиличбозлик, бокс, дзюдо, регби, футбол, чим устида хоккей, волейбол, ўқ отиш бўйича спорт инфратузилмаси ташкил этилади, реконструкция ҳамда жиҳозлаш ишлари ўтказилади;
• такомиллаштирилган ўқув ҳамда антидопинг дастурлари ва адабиётлар тайёрланади, терма жамоаларни тайёрлашда иштирок этиш ва маслаҳат бериш учун хорижий тренерлар ва экспертлар жалб қилинади;
• ўйинларга тайёргарлик кўриш мақсадли кўрсаткичлари ҳамда миллий терма жамоаларнинг контингенти тасдиқланмоқда:
• Олимпия ўйинлари бўйича 244 та дастурда иштирок этиш ҳамда 26 та спорт тури бўйича 103 та лицензияни қўлга киритиш;
• Паралимпия ўйинлари бўйича 476 та дастурда иштирок этиш ҳамда 12 та спорт тури бўйича 105 та лицензияни қўлга киритиш;
• спорт менежментини яхшилаш учун катта тўртлик (big four) аудиторлик ташкилотларидан бири жалб қилиниб, барча бўғин аудитдан ўтказилади ва унинг натижалари бўйича Президент қарори лойиҳаси киритилади;
• спорт уюшмалари раҳбарлари вакант лавозимларини тўлдириш, паст натижаларни кўрсатган, бюджет маблағларидан самарали фойдаланмаган ва бошқа салбий ҳолатларга йўл қўйган уюшмалар раҳбарлари лавозимларига янги номзодлар бўйича таклиф киритилади.

Манба