3 декабрь санаси бутун дунёда Халқаро ногиронлар куни сифатида кенг нишонланади. Бугун пойтахтимиздаги “Форумлар саройи”да ушбу байрам муносабати билан байрам дастури ўтказилди.

Унда ҳукуматимиз вакиллари, Осий Олимпия кенгаши вице-президенти Отабек Умаров, Туризм ва спорт вазирлиги, Миллий Олимпия ва Паралимпия қўмиталарининг мутасадди раҳбарлари, спортчи ва мураббийлар, уларнинг яқинлари, спорт жамоатчилиги вакиллари иштирок этишди. Тадбир Миллий Паралимпия қўмитаси, “Замин” ва “Имкон” фондлари ҳамкорлигида “Бир жамоа. Биз турлимиз. Биз тенгмиз” шиори остида ўтказилди. Унда Паралимпиячиларимизнинг ўзлари элимиз суйган санъаткорлар билан бирга чиқиш қилгани, уларнинг ҳар соҳада юксак қобилият эгаси эканидан далолат беради. Эътиборингизга ушбу тадбирдан олинган суратларни ҳавола қиламиз: